2026-cı ilin “Şəhərsalma və Memarlıq İli” elan olunması çərçivəsində SOCAR tərəfindən şəhər mühitinin dayanıqlı inkişafına və innovativ yanaşmaların təşviqinə yönəlmiş “Smart Urbanization Capstone Program” layihəsi həyata keçirilir. Layihə sənaye sahələrinin inkişafı və urbanizasiyanın genişlənməsi fonunda şəhər mərkəzləri ilə sənaye obyektləri arasındakı məsafənin azalması nəticəsində yaranan aktual problemlərə diqqət yetirir. Proqram gənclərin bu istiqamətdə innovativ həllər hazırlamasını, şəhər mühitinin balanslı planlaşdırılmasına və ekoloji dayanıqlılığın təmin olunmasına töhfə verməsini hədəfləyir.